Незаменлив вкус и мирис за ладните зимски денови. Одличен здрав и сочен десерт кој ќе ве освои со првото залче.
Потребни состојки:
- 3 јаболка
- 100 g мелени ореви, бадеми или лешници
- 5 лажици нерафиниран кафеав шеќер од шеќерна трска
- 5 – 6 лажици пченично интегрално брашно
- 100 g суво грозје
- 1 јајце
- 1 прашок за пециво
- 2 лажички рум
- 1 чаша млеко може и растително
- 2 лажици кокосово масло.
Начин на подготовка:
Загрејте ја рерната на 180°С.
Излупете и изрендајте ги јаболката во голем сад. Додадете ги јатките, брашното, интегралниот шеќер, кокосовото масло, јајцето, сувото грозје, млекото, прашокот за пециво и румот и убаво измешајте за да добиете еднолична и хомогена смеса.
Намачкајте ја тавата за печење со малку кокосово масло и набрашнете ја. Истурете ја смесата во тавата и печете на 180°С околу половина час.
Готовиот колач можете да го попрскате со малку цимет.
Кога ќе се олади колачот исечете го на посакуваните парченца и уживајте.
Добар апетит!
Аеробик и пилатес инструктор, Сопственик на FitLife Fitness Studio, Магистeр по фармација и диететика.