Зарем има поубаво чувство после напорниот ден од када со топла вода и миризлива купка? А замислете купката да ја подготвите сами, да биде направена од намирнци кои ги знаете и веќе ги имате во својата кујна.
Морската сол многу пријатно делува на кожата, а во комбинација со етерични масла по ваш избор длабински ја чисти и храни кожата, го смирува воспалението и ја забрзува циркулацијата.
Иако можете да си купите готова купка за бањање, сепак многу поубаво е доколку сами си ја направите. Така сте сигурни за сите состојки кои се наоѓаат во неа и знаете дека вашата домашна купка нема вештачки конзерванси, бои и ароми кои ја уништуваат кожата.
Потребни состојки:
- 2 чаши крупна морска сол
- 1 чаша обична ситна кујнска сол
- 1 чаша сода бикарбона
- 2/3 чаша лимонска киселина (лимонтус)
- неколку капки етерично масло по избор
- 1 лажица куркума (за природна боја)
- тегла со капак
- дрвена лажица
Начин на подготовка:
Во еден подлабок сад измешајте ги заедно морската и кујнската сол, сода бикарбоната, лимонтусот и куркумата. Потребно е смесата да стане хомогена и еднолична. Потоа додадете го етеричното масло.
Складирајте ја купката во стаклена тегличка со капак и чувајте ја на суво место.
Користете ја за подготовка на топла купка за релаксација и опуштање.
Рецептот и сликата ни ги испрати Елена Ѓорѓиевска.
Можеби ќе ве интересира:
Аеробик и пилатес инструктор, Сопственик на FitLife Fitness Studio, Магистeр по фармација и диететика.
English