Овие овесни палачинки не се нов рецепт, но секој пат кога ќе ги направам се се подобри и подобри од претходниот пат. Вкусни се да ги јадете и без било каков фил. Рецептот за нив пронајдете го тука.
Најчесто кога правам овесни палачинки ги комбинирам со домашна нутела (рецепт), но сега решив да биде нешто што ќе биде и благо, но во исто време и кисело за да им даде малку свежина. Пирето од јаболка беше прав погодок – вистинско есенско уживање!
Рецепт за пире од јаболка мед и цимет
Потребни состојки:
- 3 поголеми јаболка
- 2 лажици мед
- 1 лажица кокосово масло
- малку цимет.
Начин на подготовка:
Јаболката излупете ги и изрендајте го на ситната страна од рендето. Во тавче на оган на тивко ставете да се стопи кокосовото масло и потоа додадете ги јаболката. Пропржете ги дури да омекнат и тргнете ги од оган. Почекајте малку пирето да се излади и додадете го медот и циметот.
Со ова пире премачкајте ја секоја палачинка и редете ги една врз друга. Доколку сакате можете да додадете и мелени лешници и сува брусница.
Добар апетит!
Аеробик и пилатес инструктор, Сопственик на FitLife Fitness Studio, Магистeр по фармација и диететика.