Тајната за убавиот и свеж изглед не се крие само во скапоцените и скапи козметички препрати, туку и во начинот на исхрана и намирнците кои постојано ги внесувате. Овој зелен напиток го чува вашето здравје, ја подмладува кожата и помага во регулирање на телесната тежина.
Овој напиток се подготвува лесно и брзо и содржи зелен чај, целер и краставица. Кофеинот од зелениот чај помага за забрзување на циркулација и исфрлање на токсините од телото, бројните антиоксиданси ги штитат клетките од оксидативен стрес, витамините ги хранат клетките, а водата го хидрира организмот.
Целерот е моќен и познат по тоа што помага во намалување на мастите во телото, така што овој напиток е одличен и за оние кои имаат покачени триглицериди или холестерол. Сето тоа има синергистичко влијание и помага во подмладување на организмот и зачувување на здравјето.
Потребни состојки:
- 1 свежа краставица со средна големина
- 200 ml свежо подготвен органски зелен чај
- 4 листови свеж целер.
Начин на подготовка:
Во блендер ставете ги сите состојки и убаво измешајте. Доколку смесата е многу густа, слободно додадете малку вода.
Подарете му здравје на телото и заменете го утринското кафе со овој вкусен и здрав утрински напиток.
На здравје!
Можеби ќе ве интересира:
Напиток со целер и лимон за намалување на мастите.
30 рецепти за подготовка на утринско смути.
Аеробик и пилатес инструктор, Сопственик на FitLife Fitness Studio, Магистeр по фармација и диететика.