Брзи и лесни мусли барови

Споделете со пријателите

Ова е одличен здрав десерт и за големи и за мали. Времето кое ми беше потребно за подготовка е нешто помалку од 10 минути.

Ана ги обожава, сама го отвара фрижидерот за да си земе. Вчера изедете дури 3, а денес 2 😊

Состојките се едноставни, а од оваа количина јас добив 16 барови:

  • 200 g овесни снегулки
  • 100 g јаткасти плодови по желба (јас користев микс од лешници, бадеми и индиски ореви)
  • 50 g сусам
  • 100 g суво грозје (киснато во вода барем 2 часа)
  • 100 g суви урми (киснати во вода барем 2 часа)
  • 1-2 лажици мед
  • по желба за вкус можете да ставите и ванила (јас не ставив).

Начин на подготовка:

Овесните снегулки, јаткастите плодови и сусамот ставете ги во блендер. Кога ќе се соединат и ќе станат брашно додадете ги киснатите суво грозје и урми и медот и кратко бледнирајте. Смесата е густа така да можете да мешате и со рака или дрвена шпатула. Кога се убаво ќе се соедини истурете ја смесата во некое коцкасто или правоаголно плехче и израмнете ја одозгора. Ставете во замрзнува за да се стегне и после половина час извадете и исечете правоаголни форми.  

Совршено слатко задоволство особено за мали рачиња.

Јас ги чувам во замрзнувач за да останат свежи повеќе денови, но можете да ги чувате и во обичниот фрижидер.

Драгана Младеновска

Аеробик и пилатес инструктор, Сопственик на FitLife Fitness Studio, Магистeр по фармација и диететика.

Leave a Reply

Your email address will not be published. Required fields are marked *