Гранола можете да си направите за време на викендот, и да имате супер здрава опција за појадок цела недела. 😊
Се подготвува многу лесно и брзо, а толку е вкусна што сигурна сум дека ако еднаш направите ќе правите постојано.
Јас си правам често и имам споделувано неколку рецепти. Секогаш додавам различни работи, во зависност од што имам дома. Кога е гранолата во прашање најбитно е, покрај сувите состојки, да имате и влажна смеса која ќе може да ја поврзе целата содржина. Јас најчесто како влажна смеса користам путер од јатки, мед и кокосово масло.
Потребни состојки за една голема тегла гранола:
- 200 g овесни снегулки
- 50 g мешавина од семиња и семки
- 200 g мешавина од несолени бадеми и индиски ореви (мелени/кршени)
- 50 g суво грозје
за поврзување:
- 3 лажици путер од кикиритки
- 2 лажици шумски мед
- 40 g кокосово масло.
Начин на подготовка:
Подготовката е многу едноставна. Мешате сè заедно и убаво ја соединувате смесата. Ја ставате во плехче, па ја печете во рерна на 150˚С околу 20 минути.
Потоа ја собирате во тегла и појадокот за цела недела е спремен!
Јас денес гранолата ја комбинирав со грчки јогурт и замрзнати малини. Совршенство од појадок! 😊
Може да ве интересира: Домашни гранола барови.
