Најчесто кога некој сака да слабее секогаш она прво на што се пристапува е исфрлање на лебот и тестенините и тоа е така затоа што со белиот леб и со тестенините навистина знае да се претера. Но, дали тестенините ви се навистина голем непријател и кога тие се здрава храна?
Одговорот на ова прашање е едноставен – тестенините се здрава храна само тогаш кога се јадат умерено.
Еве некој кратки и едноставни насоки како оброкот со тестенини да биде здрав и да не ви предизвикува грижа на совест:
- купувајте тестенини направени од интегрални брашна и житарици;
- не јадете “цело пакетче” тестенини во еден оброк;
- најоптималната количина на тестенини за да не претерате со порцијата е околу 50-60 g неварени тестенини;
- кога јадете тестенини гледајте тие да не доминираат во чинијата;
- комбинирајте ги со многу зеленчук;
- не додавајте калорични сосови и многу сол;
- преферирајте да ги јадете во денови кога имате физичка активност.
Јас обожавам тестенини и вакви шарени чинии како денешната. Ова што го имав денес за ручек се тестенини со свеж морков, краставица, марула, маслинки, зрна грав и димен лосос.
Дополнително додадов и малку маслиново масло и хималајска сол.
До следно здраво готвење 🙂
Можеби ќе ве интересира:
Аеробик и пилатес инструктор, Сопственик на FitLife Fitness Studio, Магистeр по фармација и диететика.
English