Не знам дали ова e соодветно име и можеби не е ама немам идеја како да ги наречам 🙂 многу се вкусни, крцкави и совршени за различни комбинации.
Од количината на нарминици подолу јас добив околу 40 сусамки.
Потребни состојки:
- 150 g палента
- 100 g ‘ржано брашно
- 50 g цели зрна интегрален сусам
- 50 g мешавина од 4 мелени семиња (сусам, лен, семки од тиква и сончоглед)
- 70 g путер (може да се замени и со маслиново масло)
- 200-250 ml млака вода
- хималајска сол и благ буковец.
Начин на подготовка:
Сите суви состојки ги измешав заедно во длабок сад. Кога смесата беше рамномерно измешана ја додадов водата и стопениот путер па смесата се направи топче кое може да се обликува. Го ставив на хартија за печење и со сукало извлеков тенка кора. Со помош на мала чаша направив кругови. Печев во загреана рерна на 180С околу 20-тина минути.
Совршени се! Јас ги јадев со салата од домашна марула, младо кромитче, домат, краставица и аронија.
Можат да се комбинираат со јогурт, хумус или било каков намаз.
Крцкави се и ќе стојат и неколку денови, но ако сакате да ви останат супер свежи можете да ги ставите во замрзнувач па да си вадите по 3-4 пред оброк и да имате за повеќе денови.
На здравје!
Аеробик и пилатес инструктор, Сопственик на FitLife Fitness Studio, Магистeр по фармација и диететика.