Интегрални тестенини со лосос и зеленчук

Споделете со пријателите

Состојки за три порции:

150 g интегрални тестенини (мерени пред варење)
2 парчиња лосос печен лосос (исчистен од коските) – околу 400 g – може да го замените и со туна за побрзо
1 главица кромид
1 морков
1 домат
½ тиквица
5-6 маслинки
1 лажица сенф
сол и зачини по желба
неколку чери домати и свеж босилек за декорација .

Подготовка:

Тестенините сварете си ги на стандарден начин и оставете ги на стана.

Морковот и кромидот насечкајте ги и кратко запржете ги на маслиново масло. Кога ќе почнат да руменеат додадете во тавата еден домат насечкан на коцки и ½ тиквица исто така насечкана на коцки. Зеленчукот ќе си пушти вода и течност и ќе се динста во тој сок. Кога ќе омекне додадете ги маслинките, 1 лажица сенф, сол и зачини по желба.

Кога сосот со зеленчук ќе биде готов додадете ги во него сварените тестенини, ако има потреба посолете малку и на крај додадете ја и рибата. Измешајте убаво и одозгора декорирајте со чери домати и свежи листови босилек.

Ова е одлична опција за балансиран ручек.

50 g тестенини по порција е одлична количина која ќе ве засити, а воопшто не е премногу за да ви го крене јаглехдиратниот внес до “плафон”.

Пробајте и уживајте во секое залче 😊 Добар апетит!