Овие барови се многу едноставни и брзи за подготовка. Можете да си ги носите со вас работа или каде и да одите.
Пробајте да ги направите без додаток на засладувач, затоа што комбинација на банана и урми дава одлична блажина и нема потреба од плус засладувач.
Потребни состојки:
- 7-8 суви сливи
- 5 урми
- 7-8 суви кајсии
- малку сува брусница
- 2 лажици ленено семе
- 1 банана
- 200 g овесни снегулки
- 2 лажици кокосово масло
Начин на подготовка:
Сувите сливи, кајсиите и урмите ставете ги да се покиснат во вода најмалку 5 часа или преку ноќ. Потоа сувото овошје заедно со сите други состојки убаво изблендирајте го и распределете ја смесата во плехче. Ставете да се пече во рерна на 180˚С околу 10 минути и потоа исечете со нож правоаголници или коцки. Ако сакате да бидат покрцкави вратете ги во рерна уште некоја минутка да заруменат.
Рецептот е на Елена Ѓорѓиевска.
Аеробик и пилатес инструктор, Сопственик на FitLife Fitness Studio, Магистeр по фармација и диететика.