Посни солени колачиња со пченкарно брашно

Споделете со пријателите

Овие пченкарни колачиња се посни, многу брзи и лесни за подготовка.

Од намирниците излистани подолу ќе добиете околу 35 колачиња. Не очекувајте да се крцкави, меки се, ама совршено се комбинираат со хумус и маслинки или пак со грчки јогурт и зеленчук.

Состојки:

100 g овесни снегулки
100 g пченкарно брашно
30 g сончоглед
30 g ленено семе
30 g сусам
30 g семки од тиква
3 лажици маслиново масло
oколу 150-200 ml топла вода
2-3 лажици доматно пире (по желба) – јас сакав да добијам пица вкус
од зачини: оригано, сол и куркума

Подготовка:

Можете да ја видите на видеото, но подолу е и краток опис.

Ставете ги овесните снегулки, брашното и семињата во блендер додека не стане смесата еднолична и хомогена. Потоа истурете ја во подлабок сад и додадете ги сите други состојки. Мешајте додека не се формира топче кое може да се меси. Ако смесата е ретка ставете уште малку овесни снегулки или пченкарно брашно, а ако е густа додадете уште малку вода.

Извелечете го тестото со помош на сукало во тенка кора и со чаша или калапи направете форми. Јас користев чаша и ги направив кружни.

Се печат 10-15 минути на 160С.

Од нутритивен аспект се супер избалансирани и можете да ги јадете во најразлични комбинации и за појадок и за ручек и за вечера.