Одличен предлог за лесна вечера или ручек: Зелена салата со печени печурки и тиквичка

Споделете со пријателите

Многу сакам салати, значи премногу!!! На ручек не седнувам ако нема салата и тоа си го негувам дури и од детството. Се сеќавам дека еднаш се расправав со мајка ми зошто не направила салата со зелка манџа, жената ме убедуваше дека не иде салата ама мене си ми фалеше 😊

Претпоставувам дека повеќето од вас сте каснале малку повеќе за празниците па еден ваков предлог за лесна вечера ќе ви дојде супер.

Баш е low carb, се подготвува брзо и лесно и е највкусна на свет.  Јас ќе си ја правам почесто дефинитивно!

Еве што ставив:

  • свежа марула
  • малку рукола
  • ½ краставичка
  • 1 црвена пиперка (не е задолжителна)
  • ½ тиквица
  • 5-6 шампињони
  • 3-4 маслинки
  • многу малку рендан пармезан
  • 1 лажица мелени семиња (имам во тегличка мешавина од лен, сусам, семки од тиква и семки од сончоглед)
  • малку сол
  • прелив: 1 лажица сок од лимон, малку маслиново масло, 1 лажичка сенф.

Подготовка:

Тиквичката и печурките насечкајте ги на коцки и кратко запржете ги во тава што не лепи со капка маслиново масло или пак без масло.

Кога ќе омекнат печурките и тиквичката измешајте ги заедно со сите други состојки, ставете малку сол, а одозгора прелијте со преливот.

Ете толку е!

Лесно, здраво, брзо и превкусно!

Драгана Младеновска

Аеробик и пилатес инструктор, Сопственик на FitLife Fitness Studio, Магистeр по фармација и диететика.

Leave a Reply

Your email address will not be published. Required fields are marked *