Со ваков наслов имам многу десерти ама не сум иновативна веќе со имињата иако рецептите се различни 😊
Состојки (за 20 коцки):
- 100 g индиски ореви
- 150 g кокосово брашно (но баш брашно не трошки, го има во Тинекс од фирмата Драгон)
- 3 лажици сируп од урма (може и друг засладувач)
- 4 полни лажици путер од кикиритки
- сок од еден портокал
за одозгора:
- 80 g темно чоколадо стопено со 2 лажици кокосово масло
- 50 g несолени, но печени кикиритки
- 50 g сува брусница
Подготовка:
За подготовка на првиот слој блендирате се заедно, но првин индиските и брашното, а потоа ги додавате другите состојки. Тапкате во плехче. Јас користев силиконко правоаголно, но ако немате силиконско ставете хартија за печење.
Потоа одозгора ги ставате брусниците и кикиритките, па врз нив стопеното чоколадо.
Оставете во фрижидер да се стегне, насечете на посакувани форми и уживајте во вкусниот десерт.
Аеробик и пилатес инструктор, Сопственик на FitLife Fitness Studio, Магистeр по фармација и диететика.