Кога е руската салата во прашање двете најнездрави намирници кои треба да се заменат се сувомесното и мајонезот. Искрено јас сувомесно никогаш не сум ставала. Шунка и слични вакви работи дома воопшто не купуваме и никогаш не сме купувале.
Она што ме мачеше беше со што да го заменам мајонезот.
Една од опциите ми беше павлака со малку сенф и маслиново масло, ама некако тоа не ми звучеше доволно иновативно. Втората опција беше некој намаз сличен на намазот со индиски ореви и моркови и третата беше хумус со малку сенф.
Случајно пазарејќи во ДМ го видов овој органски “веге мајонез” кој на состав е одличен. Содржи наут, синап, оцет, целер и пире од лук. За органски производ цената му беше навистина достапна, околу 95 денари за тегличка од 260 g. Не сум сигурна, но мислам дека истиот го имам видено и во КАМ.
Дефинитивно решив да ја пробам руската салата со него и не се излажав.
Еве што се ставив (од сите состојки добив една голема тегла полна со руска салата):
- 4 варени моркови
- 1 поголем варен компир
- 4-5 кисели краставички
- 100 g кашкавал гауда
- 100 g варен грашок
- од мајонезот ставив 3 лажици
- додадов и многу малку сол.
Начин на подготовка:
Подготовката е едноставна, ги сечкате состојките на ситно и само соединувате се заедно.
Иако вкусот не е идентичен на руска сепак многу потсетува. Коментарот на Дарко е дека ова е 99% руска салата.
Одлично се комбинира со интегралната пита со моркови, малку свежа зелена салата и маслинки.
СРЕЌНИ ПРАЗНИЦИ!!!
Аеробик и пилатес инструктор, Сопственик на FitLife Fitness Studio, Магистeр по фармација и диететика.
English