Купивте авокадо, но сеуште се мислите како да го искористите. Имаме одличен и брз рецепт за подготовка на вкусен намаз од авокадо.
Потребни состојки:
- 1 зрело авокадо
- 1 лажичка сушен морков
- 1 лажичка сушен кромид
- 1 лажичка сушен целер
- 1 лажичка маслиново масло
- малку хималајска сол и црн бибер
- по потреба малку вода.
Начин на подготовка:
Најпрвин сушениот зеленчук измелете го или ставете го во блендер. Потоа авокадото изгмечете го со виљушка и во него додадете го сувиот и мелен зеленчук, додадете 1 лажичка маслиново масло и убаво соединете. На крај посолете со малку хималајска сол и црн бибер. Доколку смесата е многу густа можете да додадете и сосема малку водичка.
Исто така наместо со виљушка можете сето тоа да го измешате и соединете во блендер.
Овој намаз е одличен додаток на било кое јадење. Можете да го јадете со интегрално лепче, да ја збогатите омилената салатата или пак да го јадете со интегрални солени крекери без брашно и без масло (рецепт за нив проверете овде).
Добар апетит!
Рецептот и сликата за овој прекрасен намаз ни ги испрати Елена Ѓорѓиевска.
Аеробик и пилатес инструктор, Сопственик на FitLife Fitness Studio, Магистeр по фармација и диететика.