Балансиран и нутритивен појадок е се што ви е потребно за енергичен старт на денот. Комбинацијата на целозрнести житарици, овошје и семиња е совршена нутритивна бомба која ги содржи сите макронутритиенти потребни за одличен почеток.
За помалку од 5 минути ќе имате богат оброк кој ќе ви даде здравје и енергија.
Оваа овесна каша можете да си ја ставите и во тегличка и да си ја земете со себе на работа.
Потребни состојки:
- 4 лажици овесни снегулки
- околу 200 ml вода/ може и кокосово млеко
- ½ банана
- 1 киви
- 1 лажичка чиа семе
- 1 лажичка ленено семе
- 1 лажичка кокосови трошки.
Начин на подготовка:
Овесните снегулки и водата или кокосовото млеко ставете ги на оган и варете ги многу кратко (можеби околу 2-3 минути). Ќе видите како сместа ќе почне да станува густа и леплива. Тргнете го сварениот овес од оган и додадете ги другите состојки. Овошјето можете да го насечкате на коцки или кругови.
Наросете ги одозгора семињата и кокосот и уживајте!!!
Нутритивни вредности:
- 290 калории
- 6 g јаглехидрати
- 3 g масти од кои заситени само 0.6 g
- 8 g протеини
- 8 g влакна (дневен препорачан внес за оптимална работа на цревата е околу 25 g)
Комбинацијата на киви и банана исто така ќе ве обезбеди со 100 mg на витамин Ц или повеќе од 100% од дневните препорачани потреби.
Рецепт и слика – Елена Ѓорѓиевска.
Аеробик и пилатес инструктор, Сопственик на FitLife Fitness Studio, Магистeр по фармација и диететика.